Njoftim për marrje objekti me qera- Keshilli i Qarkut Elbasan

KËSHILLI I QARKUT ELBASAN

SEKTORI I ZHVILLIMIT EKONOMIK, PROJEKTEVE, KULTURËS, TURIZMIT DHE PËRKUJDESIT SOCIAL

NJOFTIM

Keshilli i Qarkut Elbasan kërkon të marrë me qera një objekt,  për ta përdorur si ambient pune për Qendrën për ofrimin e shërbimit të përkujdesit shoqëror për femijet me aftësi të kufizuar (Crregullim të spektrit të autizmit).

Afati i qerasë do të jetë nga lidhja e kontratës së qerase deri ne 31.12.2024  (afat i cili me marrëveshje mund të zgjatet)

Cmimi maksimal i qerasë për 1 muaj  është  120,000 lekë.

Ambjenti kërkohet të ketë këto tregues:

-Të jetë godinë me oborr.

-Siperfaqja e objektit të jetë jo më e vogel se 400 m² dhe sipërfaqja e oborrit jo më të vogël se 200 m² 

-Të ndodhet në afërsi të qendres  së qytetit.

-Të ketë jo më pak se 11 dhoma të cilat do të përdoren për terapi individuale, për shërbimin e logopedisë, ambjent ku do të qëndrojnë prindërit e fëmijëve dhe 1 (një) dhomë të madhe për lojra sportive dhe për shërbimin e fizioterapisë me sipërfaqe rreth 8x8m^2.. Dhomat të jenë me sipërfaqe 4×5 m², të jenë me dritë të mjaftueshme, pa lagështirë dhe të pajisura me sistem ngrohjeje. Për ndarjen e dhomave nevojiten 2 korridore me sipërfaqe rreth 7x5m², 2 banjo, një oborr me sipërfaqe të konsiderueshme për zhvillimin e lojrave me fëmijët me CSA, zhvillimin e terapisë verore dhe aktivitetet festive të ndryshme.

-Objekti të jetë në gjendje fizike optimale, dhe të ketë rampën për fëmijët me aftësi të kufizuar.

Në ofertë kërkohet të perfshihet çmimi i qerase mujore dhe të jetë e shoqëruar me dokumenta pronësie, planimetri dhe planvendosje të ambjentit që jepet me qera dhe përshkrime të tjera të nevojshme.

Dokumentat e  mësiperme te jenë të lëshuar jo më vone se tre muaj nga hapja e ofertës.

Ofertat dorëzohen me zarf të mbyllur në zyrën e protokollit të Këshillit të Qarkut Elbasan.

Afati i fundit të pranimit të ofertave është data 05.01.2024 ora 10.⁰⁰

Hapja e  ofertave do të bëhet më datë 05.01.2024, ora 10.⁰⁰ në sallën e mbledhjeve të Këshillit të Qarkut Elbasan.

Pas hapjes së ofertave, komisioni i vlerësimit do të bëjë verifikimin në terren të ambienteve, që janë paraqitur në ofertë, prandaj kërkojmë gadishmërinë tuaj për kqyrjen e ambienteve.                

K R Y E T A R

Ermira URUPI