Bashkia Elbasan

Created by Artan Shqau / imagjino.al

BASHKIA ELBASAN

Qarku:
Elbasan

Qendër bashkie:
Qyteti i Elbasanit

Sipërfaqja:
872.03 km katrorë

Popullsia:
205 892 banorë

Kryetar bashkie:
Gledian Llatja

Numri i anëtarëve të këshillit bashkiak:
51

Njësitë administrative:
Elbasan, Labinot-Fushë, Labinot-Mal, Gjinar, Shushicë, Gjergjan, Funar, Shirgjan, Tregan, Gracen, Bradashesh, Zavalinë, Papër

Faqja zyrtare e internetit:
www.elbasani.gov.al

Përshkrim i zgjeruar:
Bashkia e re e Elbasanit kufizohet në veri me bashkinë Tiranë, në lindje me bashkinë Librazhd, në jug-lindje me bashkinë Prrenjas, në jug-perëndim me bashkinë Gramsh dhe në perëndim me bashkitë Cërrik dhe Peqin. Kryeqendra e bashkisë është qyteti i Elbasanit. Sipas Censusit të vitit 2011, kjo bashki numëron 141,714 banorë, ndërsa sipas Regjistrit Civil ajo numëron një popullsi prej 205,892 banorësh dhe me densitet prej 236.11 banorë për km². Bashkia e Elbasanit ka një sipërfaqe prej 872,03 km². Kjo bashki përbëhet nga 13 njësi administrative. Bashkia e re ka nën administrimin e saj një qytet dhe 116 fshatra e cila është një nga më të mëdhatë në Shqipëri, si dhe një nga bashkitë më komplekse për t’u administruar. Qyteti i Elbasanit, me rreth 80 mijë banorë, ka aktualisht rreth 60% të popullsisë së bashkisë ndërsa pjesa tjetër është e ndarë përkatësisht në njësitë administrative, disa prej të cilave gjenden në terrene të thyera malore. Bashkia e re ka në territorin e saj një pjesë të madhe të industrisë së rëndë të Shqipërisë, përfshirë fabrikën e çelikut, atë të çimentos, ferrokromit, etj. Një pjesë e njësive administrative shtrihen përgjatë luginës së Elbasanit, por më shumë se gjysma e ish-komunave gjenden në një seri zonash malore, duke filluar nga Graceni e duke vazhduar me Labinot Mal, Gjinarin e Zavalinën apo edhe ish- komuna Funar. Parku kombëtar i Gjinarit në krahinën historike të Shpatit është i përshtatshëm për turizëm të natyrës dhe të kulturës.